Nyttevekstsafari på Slettebakken

Arrangementet er stengt for påmelding

Vi ser etter nyttevekstar i den nyetablerte Matskogen på Slettebakken.

I samarbeid med Slettebakken bærekraftige liv inviterer vi til nyttevekstsafari med utgangspunkt i den nyetablerte Matskogen på Birkelundstoppen. Naboar, frivillige og alle andre interesserte er hjarteleg velkomne.

På turen ser vi etter viltveksande mat- og nytteplanter i området. Turleiaren stoppar opp ved artar av interesse etter tur og fortel om viktige kjenneteikn, eventuelle forvekslingsfarer, når/korleis det er best å sanke artane, og litt om typiske bruksområde i mat og drikke. Vi vil ellers òg kome inn på prinsipp for bærekraftig sanking, og praktiske råd for handtering og sanking av planter. 

Det er ikkje lagt opp til sanking i store volum på denne turen, men det vil absolutt vere høve til å plukke med seg nokre “smaksprøver” heim for den som ynskjer det.

Vis i kart